Blog
O Mercado Medieval de Corcubión xa ten novos organizadores
Xa hai unha data fixada para a celebración do próximo Mercado Medieval de Corcubión. Será os días 22, 23 e 24 de xullo. Encargarase de organizalo unha nova entidade denominada Asociación Organizadora do Mercado Medieval Costa da Morte, despois de que quen o fixeron durante a última década decidisen deixalo a finais do ano pasado.
A nova asociación está presidida por José Ramón Piñeiro. O seu vicepresidente é Gonzalo Crespón. Agradecen o esforzo e axuda dos anteriores e din que esperan estar á altura. Tamén agradecen que as asociacións San Andrés do Canle, Airiños de Quenxe e Por Unha Vida Sen Drogas teñan colaborado á hora de pedir subvencións para a cita festiva. Cataventos e Amigos do Porco Celta tamén colaborarán, aínda que non puideron pedir as axudas.
Fonte: A Voz de Galicia
Entrada publicada: 17/02/2011
Volver
